காற்று மாசுபாடு என்பது நமது காலத்தின் மிகப் பெரிய சுகாதார சவால்களில் ஒன்றாக மாறியுள்ளது. வளர்ந்து வரும் நகரமயமாக்கல், தொழில்மயமாக்கல் மற்றும் வாகனப் பயன்பாடு ஆகியவற்றால் இந்தப் பிரச்னை நாளுக்கு நாள் தீவிரமடைந்து வருகிறது.
நமது அன்றாட மருத்துவ பயிற்சியில், காற்று மாசுவால் ஏற்படும் பல்வேறு உடல்நல பிரச்னைகளை நாங்கள் காண்கிறோம். ஆஸ்துமா, வறட்டு இருமல், நாள்பட்ட மூச்சுத்திணறல், நுரையீரல் சுருக்கம் மற்றும் COPD (நாள்பட்ட நுரையீரல் அடைப்பு நோய்) போன்றவை மிகவும் பொதுவானவை. காற்றில் கலக்கும் நைட்ரஸ் ஆக்சைடு, கார்பன் மோனாக்சைடு மற்றும் கார்பன் டை ஆக்சைடு போன்ற நச்சு வாயுக்கள் நுரையீரல் மற்றும் இதய செயல்பாடுகளை கடுமையாக பாதிக்கின்றன.
காற்று மாசுவின் தாக்கம் வெவ்வேறு வயதினரை வெவ்வேறு விதமாக பாதிக்கிறது. குழந்தைகளின் வளரும் நுரையீரல்கள் மிகவும் பாதிப்புக்கு உள்ளாகின்றன. அவர்களுக்கு ஆஸ்துமா, அலர்ஜி மற்றும் தொற்றுநோய்கள் ஏற்படும் ஆபத்து அதிகம். முதியவர்களில் ஏற்கனவே உள்ள இதய நோய்கள், நுரையீரல் பிரச்னைகள் மோசமடைவதுடன், அவர்களின் குறைந்த நோய் எதிர்ப்பு சக்தி காரணமாக காற்று மாசுவின் தாக்கம் கடுமையாக இருக்கும்.
காற்று மாசுவால் ஏற்படும் ஒவ்வாமையை கண்டறிய பல்வேறு பரிசோதனை முறைகள் உள்ளன. அலர்ஜன் ஸ்பெசிபிக் டெஸ்ட் மிக முக்கியமானது. இதில் ஸ்கின் பிரிக் டெஸ்ட் மூலம் தோலில் சிறிய அளவு அலர்ஜன்களை செலுத்தி, 15-20 நிமிடங்களில் முடிவுகளை அறியலாம். இதேபோல் IgE ரத்தப் பரிசோதனை மற்றும் 48 மணி நேர கண்காணிப்பில் செய்யப்படும் பேட்ச் டெஸ்ட் ஆகியவை துல்லியமான முடிவுகளை தருகின்றன.
வெளிப்புற காற்று மாசுவுடன், உள்ளக காற்று மாசும் கவனத்தில் கொள்ள வேண்டியது. பருத்தித் தூசி, ஆஸ்பெஸ்டாஸ், சிகரெட் புகை, நிலக்கரி எரிப்பு ஆகியவை வெளிப்புற மாசுக்கு காரணமாகின்றன. வீட்டினுள் ஊதுபத்தி, சாம்பிராணி, சமையல் புகை, பட்டாசு, கரப்பான் பூச்சி விரட்டிகள், சுத்தம் செய்யும் பொருட்கள், வெப்பப்படுத்தும்/குளிரூட்டும் சாதனங்கள் போன்றவை மாசுவை ஏற்படுத்துகின்றன.
காற்று மாசுவின் பாதிப்புகளில் இருந்து பாதுகாத்துக் கொள்ள பல வழிமுறைகள் உள்ளன.
வீட்டினுள் நல்ல காற்றோட்டம், காற்று சுத்திகரிப்பான்கள், சிம்னி பயன்பாடு, மின்சார/எரிவாயு அடுப்புகள் ஆகியவற்றை பயன்படுத்தலாம். வெளியே செல்லும்போது தரமான N95/KN95 முகக்கவசம் அணிவது அவசியம். கோவிட்-19 காலத்தில் முகக்கவசப் பயன்பாடு காற்று மாசுவின் பாதிப்புகளை குறைத்தது குறிப்பிடத்தக்கது.
ஏற்கனவே சுவாச நோய்கள் உள்ளவர்கள் கூடுதல் கவனம் செலுத்த வேண்டும். மருத்துவரின் ஆலோசனைப்படி மருந்துகளை தொடர்ந்து எடுப்பதுடன், அவசர மருந்துகளை எப்போதும் கையில் வைத்திருக்க வேண்டும். மாசு அதிகமுள்ள நாட்களில் வெளியே செல்வதை தவிர்க்க வேண்டும்.
மாசு நிறைந்த பகுதிகளில் வசிப்பவர்கள் தவறாமல் மருத்துவ பரிசோதனைகளை மேற்கொள்ள வேண்டும். மாதாந்திர நுரையீரல் செயல்பாட்டு சோதனை, வருடாந்திர முழு உடல் பரிசோதனை, இதய செயல்பாட்டு சோதனை மற்றும் ஒவ்வாமை பரிசோதனைகள் அவசியம்.
தொடர்ச்சியான இருமல், மூச்சுத்திணறல், தலைவலி, நடத்தை மாற்றங்கள், எரிச்சல், அடிக்கடி ஏற்படும் சுவாசத் தொற்றுகள் ஆகியவை காற்று மாசுவின் பாதிப்பிற்கான எச்சரிக்கை அறிகுறிகள். இவை தென்பட்டால் உடனடியாக மருத்துவரை அணுக வேண்டும்.
மாசு நிறைந்த பகுதிகளில் வசிப்போருக்குத் தொடர் ஆரோக்கிய கண்காணிப்பு அவசியம்.
Dr. B. தீபக் குமார், MBBS, MD பொது மருத்துவர் காவேரி மருத்துவமனை, திருநெல்வேலி
Kauvery Hospital is globally known for its multidisciplinary services at all its Centers of Excellence, and for its comprehensive, Avant-Grade technology, especially in diagnostics and remedial care in heart diseases, transplantation, vascular and neurosciences medicine. Located in the heart of Trichy (Tennur, Royal Road and Alexandria Road (Cantonment), Chennai (Alwarpet & Vadapalani), Hosur, Salem, Tirunelveli and Bengaluru, the hospital also renders adult and pediatric trauma care.
Chennai Alwarpet – 044 4000 6000 • Chennai Vadapalani – 044 4000 6000 • Trichy – Cantonment – 0431 4077777 • Trichy – Heartcity – 0431 4003500 • Trichy – Tennur – 0431 4022555 • Hosur – 04344 272727 • Salem – 0427 2677777 • Tirunelveli – 0462 4006000 • Bengaluru – 080 6801 6801
