வருமுன் காப்போம் – புகை பிடிக்காதவர்களுக்கும் நுரையீரல் புற்றுநோய் வருமா

நுரையீரல் புற்றுநோய் என்றால் என்ன?

நுரையீரல் புற்றுநோய் என்பது நுரையீரலில் தொடங்கும் ஒரு வகை புற்றுநோயாகும். நுரையீரல்கள் (Lungs) என்பது நம் மார்பில் உள்ள இரண்டு பஞ்சுபோன்ற உறுப்பாகும். அவை நாம் உள்ளிழுக்கும்போது ஆக்ஸிஜனை எடுத்துக்கொள்கின்றன. நாம் சுவாசிக்கும்போது கார்பன்-டை-ஆக்சைடை வெளியிடுகின்றன.

நுரையீரல் புற்றுநோயே உலகளவில் புற்றுநோய் இறப்புகளுக்கு முக்கிய காரணமாகும்.

இந்தியாவில் நுரையீரல் புற்றுநோயானது அனைத்துப் புற்றுநோய்களில் 6% என்ற அளவில் உள்ளது. புற்றுநோய் தொடர்பான இறப்புகளில் இது 9% பங்கு வகிக்கிறது.

புகைபிடிப்பவர்களுக்கு நுரையீரல் புற்றுநோய் தாக்குவதற்கான ஆபத்து அதிக அளவில் உள்ளது. இருப்பினும் புகைபிடிக்காதவர்களுக்கும் நுரையீரல் புற்றுநோய் ஏற்படலாம். ஒருவர் புகைத்த சிகரெட்டுகளின் நீளம் மற்றும் எண்ணிக்கையுடன் நுரையீரல் புற்றுநோயின் ஆபத்தும் அதிகரிக்கிறது. புகைபிடிப்பதை விட்டால் மட்டுமே, நுரையீரல புற்றுநோயை உருவாக்கும் அபாயங்களை கணிசமாகக் குறைக்கலாம்.

பீடி மற்றும் சிகரெட் பிடித்தல் மட்டுமல்ல; முனைவற்ற புகைபிடித்தல் (Passive Smoking), காற்றுமாசு, சிஓபிடி (COPD), கதிரியக்க சிகிச்சை (Radiotherapy) மற்றும் குடும்ப புற்றுநோய்கள் பிற காரணங்களாகும்.

நுரையீரல் புற்றுநோயின் அறிகுறிகள்

• நீங்காத புது இருமல்
• இருமலில் ரத்தம் (சிறிய அளவுகூட)
• மூச்சுத் திணறல்
• நெஞ்சு வலி
• குரல் தடை
• முயற்சி செய்யாமலே எடை குறைதல் எலும்பு வலி
• தலைவலி

மருத்துவரை எப்போது பார்க்க வேண்டும்?

கவலையடையச் செய்யும் வகையில் ஏதேனும் அறிகுறிகள் ஏற்பட்டால், நுரையீரல் மருத்துவரை சந்திப்பது அவசியம். புகைபிடிப்பதை விடமுடியாவிட்டாலும்கூட மருத்துவரிடம் ஆலோசனை பெறலாம். ஆலோசனை, மருந்துகள் மற்றும் நிகோடின் மாற்று தயாரிப்புகள் போன்ற புகைபிடிப்பதை நிறுத்துவதற்கான உத்திகளை மருத்துவர் பரிந்துரைப்பார்.

புகைபிடித்தல் நுரையீரல் புற்றுநோயை எவ்வாறு ஏற்படுத்துகிறது?

புகைபிடித்தல் 86% புற்றுநோய்களை நுரையீரல் ஏற்படுத்துகிறது. புகைப்பிடிப்பவர்களுக்கு மட்டுமல்ல… புகைபிடிக்காத அருகில் உள்ள அப்பாவி மக்களுக்கும்.

புகைபிடித்தல் நுரையீரல் செல்களில் உள்ள DNAவை சேதப்படுத்துவதன் மூலம் நுரையீரல் புற்றுநோயை ஏற்படுத்தும். புற்றுநோயை உண்டாக்கும் பொருட்கள் (கார்சினோஜென்ஸ்) நிறைந்த சிகரெட் உள்ளிழுக்கும்போது, புகையை நுரையீரல் திசுக்களில் உள்ள DNAக்களில் மாற்றங்கள் உடனடியாகத் தொடங்கும்.

ஆரம்பத்தில் உங்கள் இந்தப் பாதிப்பை உடலாலேயே (DNA Repair) சரி செய்ய முடியும். ஆனால், தொடர்ந்து புகை பிடிக்கும்போது, உங்கள் நுரையீரல் செல்கள் அதிக அளவில் சேதமடைகின்றன. காலப்போக்கில், சேதமடைந்த செல்கள் அசாதாரணமாகச் செயல்படத் தொடங்கி, இறுதியில் புற்றுநோய் உருவாகலாம்.

ஆபத்து காரணிகள்

நுரையீரல் புற்றுநோயின் அபாயத்தை புகைபிடிப்பதை விட்டுவிடுவதன் மூலம் கட்டுப்படுத்தலாம். இருப்பினும், புகை பிடிப்பதை நிறுத்தி 15 ஆண்டுகளுக்குப் பிறகும் புற்றுநோய்க்கான ஆபத்து 50% உள்ளது.

• ஒவ்வொரு நாளும் நீங்கள் புகைக்கும் சிகரெட்டுகளின் எண்ணிக்கை மற்றும் நீங்கள் புகைத்த வருடங்களின் எண்ணிக்கை (Pack – Year) ஆகியவற்றுடன் நுரையீரல் புற்றுநோயின் ஆபத்து அதிகரிக்கிறது. எந்த வயதில் புகை பிடிப்பதை விட்டாலும் நுரையீரல் புற்றுநோயை உருவாக்கும் அபாயத்தை கணிசமாகக் குறைக்க முடியும்.
• நீங்கள் புகைபிடிக்காவிட்டாலும், மற்றவர் புகைபிடிக்கும்போது வெளிப்படும் புகையை சுவாசிக்கும்போதும் நுரையீரல் புற்றுநோயின் ஆபத்து அதிகரிக்கிறது.
• மற்றொரு வகை புற்றுநோய்க்காக மார்பில் கதிர்வீச்சு சிகிச்சையை மேற்கொண்டிருந்தால், நுரையீரல் புற்றுநோயை உருவாக்கும் அபாயம் அதிகமாக இருக்கலாம்.
• மண், பாறை, நீர் ஆகியவற்றில் உள்ள யுரேனியத்தின் இயற்கையான முறிவால் ரேடான் உற்பத்தி செய்யப்படுகிறது. அது இறுதியில் நாம் சுவாசிக்கும் காற்றின் ஒரு பகுதியாக மாறும். வீடுகள் உட்பட எந்த கட்டிடத்திலும் பாதுகாப்பற்ற ரேடான் அளவுகள் குவிந்துவிடும். இதுவும் புற்றுநோய்க்குக் காரணமாகலாம்.
• ஆஸ்பெஸ்டாஸ் மற்றும் புற்றுநோயை உண்டாக்கும் ஆர்சனிக், குரோமியம் மற்றும் நிக்கல் போன்றவை நுரையீரல் புற்றுநோய் உருவாகும் அபாயத்தை அதிகரிக்கலாம்… குறிப்பாக புகைப்பிடிப்பவர்களுக்கு.
• நுரையீரல் புற்றுநோயால் பாதிக்கப்பட்ட பெற்றோர், உடன்பிறந்தவர்கள் அல்லது குழந்தை உள்ளவர்களுக்கு இந்த நோய் வருவதற்கான அதிக ஆபத்து உள்ளது.

நுரையீரல் புற்றுநோயின் சிக்கல்கள்

• நுரையீரல் புற்றுநோயால் பாதிக்கப்பட்டவர்களுக்கு மூச்சுத் திணறல் ஏற்படலாம், புற்றுநோய் காற்றுப்பாதைகளைத் தடுக்கும். நுரையீரல் புற்றுநோயானது நுரையீரலைச் சுற்றி திரவம் குவிவதற்கும் காரணமாக இருக்கலாம். இதனால் பாதிக்கப்பட்ட நுரையீரல் முழுவதுமாக விரிவடைவது கடினமாகிறது.
• சுவாசக் குழாயில் ரத்தப்போக்கு ஏற்படலாம். இது ‘ஹீமோப்டிசிஸ்’ என்று அழைக்கப்படுகிறது. சில நேரங்களில் ரத்தப்போக்கு கடுமையானதாக மாறும்.
• நுரையீரலின் புறணிக்கு அல்லது எலும்பு போன்ற உடலின் மற்றொரு பகுதிக்கு பரவும் மேம்பட்ட நுரையீரல் புற்றுநோய் வலியை ஏற்படுத்தும்.
• நுரையீரல் புற்றுநோயானது மார்புக் குழியில் (ப்ளூரல் ஸ்பேஸ்) பாதிக்கப்பட்ட நுரையீரலைச் சுற்றியுள்ள இடத்தில் திரவத்தை குவிக்கும். மார்பில் திரவம் குவிந்து மூச்சுத் திணறலை ஏற்படுத்தும்.
• நுரையீரல் புற்றுநோய் பெரும்பாலும் மூளை மற்றும் எலும்புகள் போன்ற உடலின் மற்ற பகுதிகளுக்கு பரவுகிறது (மெட்டாஸ்டேசைஸ்). இது எந்த உறுப்பு பாதிக்கப்படுகிறது என்பதைப் பொறுத்து வலி, குமட்டல், தலைவலி அல்லது பிற அறிகுறிகளை ஏற்படுத்தும். நுரையீரல் புற்றுநோய் நுரையீரலுக்கு அப்பால் பரவியவுடன், அது பொதுவாக குணப்படுத்த முடியாதாகிவிடும்.

தடுப்பது எப்படி?

நுரையீரல் புற்றுநோயைத் தடுக்க எந்த உறுதியான வழியும் இல்லை. ஆனால், அதற்கான ஆபத்தைக் குறைக்க முடியும்.

• புகை பிடிப்பதை நிறுத்துதல்.
• புகை பிடிக்கும் இடங்கள், நபர்களிடமிருந்து விலகியே இருத்தல்.
• நச்சு ரசாயனங்கள் வெளிப்படுவதிலிருந்து பாதுகாத்துக் கொள்வதற்கான முன்னெச்சரிக்கை நடவடிக்கைகளை எடுத்தல்.
• பல்வேறு பழங்கள் மற்றும் காய்கறிகளுடன் ஆரோக்கியமான உணவைத் தேர்வு செய்யவும். வைட்டமின்கள் மற்றும் ஊட்டச்சத்துக்களின் உணவு ஆதாரங்கள் சிறந்தவை. மாத்திரை வடிவில் அதிக அளவு வைட்டமின்களை உட்கொள்வதைத் தவிர்க்கவும்.
• தினமும் உடற்பயிற்சி செய்யுங்கள்.
• 55 முதல் 74 வரையுள்ள வயதுடையோர் ஆண்டுதோறும் முழு உடல் பரிசோதனை செய்துகொள்வது அவசியம். 10 Pack – Year வரலாற்றைக் கொண்டவர்கள் Low dose CT சோதனை செய்வதால் பயன் பெறலாம்.

சிகிச்சை என்ன?

• ஆரம்பக் கட்டத்திலேயே நுரையீரல் புற்றுநோயை கண்டறிவது மட்டுமே சிகிச்சையை பயனுள்ளதாக்க உதவும்.
• கீமோதெரபி, இலக்கு சிகிச்சை(Targeted Therapy), நோய் எதிர்ப்பு சிகிச்சை (Immunotherapy) போன்ற சிகிச்சை முறைகள் பயன் தரும்.

 

மேலும் விவரங்களுக்கு சிறந்த புற்றுநோயியல் நிபுணரை அணுகவும்.

Kauvery Hospital is globally known for its multidisciplinary services at all its Centers of Excellence, and for its comprehensive, Avant-Grade technology, especially in diagnostics and remedial care in heart diseases, transplantation, vascular and neurosciences medicine. Located in the heart of Trichy (Tennur, Royal Road and Alexandria Road (Cantonment), Chennai, Hosur, Salem, Tirunelveli and Bengaluru, the hospital also renders adult and pediatric trauma care.

Chennai – 044 4000 6000 • Trichy – Cantonment – 0431 4077777 • Trichy – Heartcity – 0431 4003500 • Trichy – Tennur – 0431 4022555 • Hosur – 04344 272727 • Salem – 0427 2677777 • Tirunelveli – 0462 4006000 • Bengaluru – 080 6801 6801